بعد ما طفلك بيسلّم من الصلاة، هل بيقوم على طول يلعب أو بيسيب مكانه من غير ما يقول أي ذكر؟ ده طبيعي جدًا في البداية، لأن الطفل محتاج يتعلم إن الصلاة مش بتنتهي بمجرد التسليم، وإن فيه أذكار جميلة بعد الصلاة بتخلي قلبه يفضل متعلق بربنا حتى بعد ما يخلص صلاته.
في الدليل ده، هنعرف إيه اللي بيُقال بعد الصلاة، وفضل بعض أذكار الصلاة، وإزاي تعلمي طفلك يقولها بالتدريج ومن غير ضغط، بحيث يفهم الذكر ويحبه بدل ما يكون مجرد كلام بيحفظه.
فضل أذكار الصلاة بعد الصلاة للأطفال وأهميتها
بعد ما الطفل يسلّم من الصلاة، فيه أذكار وأدعية جميلة علّمنا النبي ﷺ نقولها بعد الصلاة، ومن أجمل ما ورد عن النبي ﷺ بعد الصلاة إنه كان يستغفر الله ثلاث مرات، ثم يقول: «اللهم أنت السلام، ومنك السلام، تباركت يا ذا الجلال والإكرام».
وتعليم أذكار الصلاة بعد الصلاة للأطفال له فوائد مهمة، منها:
- تعويد الطفل على ذكر الله: ربط الأذكار بوقت ثابت بعد الصلاة بيساعده على تكوين عادة يومية.
- تعليم الطفل الاقتداء بالنبي ﷺ: الطفل بيتعلم إن فيه أذكار معينة كان النبي ﷺ بيقولها بعد الصلاة، وده بيخليه يفهم السنة بطريقة عملية وبسيطة.
- تقوية علاقة الطفل بربنا: الذكر بعد الصلاة بيدي الطفل فرصة يهدى شوية بعد الصلاة، ويفتكر ربنا بدل ما ينتقل فورًا للعب أو أي نشاط تاني.
- تعليم الطفل المداومة: التكرار بعد الصلوات يساعده يتذكر الأذكار من غير اعتماد دائم على الأم.
- تعريف الطفل بفضل بعض الأذكار: ممكن تعلميه الأذكار التي ورد في السنة فضل خاص لها، بالتدريج وبما يناسب سنه.
اقرأي أيضا عن: تعليم الصلاة للأطفال خطوة بخطوة بالترتيب
أذكار الصلاة كاملة بعد التسليم وما يستحب قوله بعد الصلاة؟
بعد ما طفلك يسلّم من الصلاة، دلوقتي هنقولك على مجموعة من أذكار الصلاة الثابتة عن النبي ﷺ، واللي مستحب طفلك يقولها بعد التسليم من الصلاة:
أولًا: الاستغفار بعد الصلاة
أول حاجة لازم تعودي طفلك عليها بعد التسليم هي الاستغفار 3 مرات:
«أستغفر الله»
«أستغفر الله»
«أستغفر الله»
وبعدها يقول: «اللهم أنت السلام، ومنك السلام، تباركت يا ذا الجلال والإكرام» وده من الأذكار الثابتة عن النبي ﷺ بعد الصلوات الخمس، وحاولي تعرفي طفلك أهمية الاستغفار وقوليله: “لما نقول أستغفر الله، بنطلب من ربنا يغفر لنا أخطائنا.”
ثانيًا: التهليل والذكر بعد الصلاة
من الأذكار التي تُقال بعد الصلاة: «لا إله إلا الله وحده لا شريك له، له الملك وله الحمد، وهو على كل شيء قدير» وممكن تعودي طفلك يقولها مرة بعد كل صلاة، ومع الوقت هيفهم معناها ويحفظها بسهولة، ومن الأذكار الواردة بعد الصلاة أيضًا: «اللهم لا مانع لما أعطيت، ولا معطي لما منعت، ولا ينفع ذا الجد منك الجد».
ثالثًا: التسبيح والتحميد والتكبير
من أشهر أذكار الصلاة بعد الصلاة للأطفال إن الطفل يتعود يقول:
«سبحان الله» 33 مرة
«الحمد لله» 33 مرة
«الله أكبر» 33 مرة
ثم يختم المائة بقول: «لا إله إلا الله وحده لا شريك له، له الملك وله الحمد، وهو على كل شيء قدير» وده من الأذكار الثابتة بعد الصلوات المكتوبة.
ولو لاحظتي ان العدد كبير عليه في البداية، متطلبيش منه يحفظ الـ99 مرة مرة واحدة، وممكن تبدأي بعدد أقل للتدريب، وبعدها تعوديه تدريجيًا على العدد الوارد في السنة.
رابعًا: قراءة آية الكرسي بعد الصلاة
بعد ما طفلك يخلص أذكار الصلاة، عوديه يقرأ آية الكرسي بعد كل صلاة مكتوبة وهي:
﴿اللَّهُ لَا إِلَٰهَ إِلَّا هُوَ الْحَيُّ الْقَيُّومُ ۚ لَا تَأْخُذُهُ سِنَةٌ وَلَا نَوْمٌ ۚ لَهُ مَا فِي السَّمَاوَاتِ وَمَا فِي الْأَرْضِ ۗ مَنْ ذَا الَّذِي يَشْفَعُ عِنْدَهُ إِلَّا بِإِذْنِهِ ۚ يَعْلَمُ مَا بَيْنَ أَيْدِيهِمْ وَمَا خَلْفَهُمْ ۖ وَلَا يُحِيطُونَ بِشَيْءٍ مِنْ عِلْمِهِ إِلَّا بِمَا شَاءَ ۚ وَسِعَ كُرْسِيُّهُ السَّمَاوَاتِ وَالْأَرْضَ ۖ وَلَا يَئُودُهُ حِفْظُهُمَا ۚ وَهُوَ الْعَلِيُّ الْعَظِيمُ﴾
[البقرة: 255]
خامسًا: سورة الإخلاص والمعوذتان
ومن الأذكار اللي ممكن تعودي طفلك عليها بعد الصلاة سورة الإخلاص وسورة الفلق وسورة الناس. وبعد صلاتي الفجر والمغرب بتتكرر السور الثلاث 3 مرات، أما بعد الصلوات الأخرى فتُقرأ مرة واحدة.
ونصيحتنا ليكي ان لو طفلك لسه بيتعلم، متحاوليش تحفظيه السور التلاتة مرة واحدة، وابدئي معاه بسورة الإخلاص، ولما يتقنها انتقلي للفلق وبعدها الناس، وخلي الحفظ بالتدريج ومن غير ضغط، لأن الهدف إن أذكار الصلاة بعد الصلاة للأطفال تبقى عادة سهلة ومحببة، مش مهمة تقيلة عليه.
الأذكار بعد الصلوات الخمسة المفروضة
مش كل صلاة ليها أذكار مختلفة تمامًا عن الصلاة التانية، لكن فيه أذكار ثابتة بنقولها بعد الصلوات المكتوبة، وفيه أذكار وردت في أوقات معينة زي الفجر والمغرب، وأذكار الصلاة دي هي:
| الصلاة | ذكر خاص إضافي |
|---|---|
| الفجر | «اللهم إني أسألك علمًا نافعًا، ورزقًا طيبًا، وعملًا متقبلًا» |
| الفجر والمغرب | قراءة سورة الإخلاص والفلق والناس 3 مرات |
| المغرب | «اللهم أجرني من النار» 7 مرات (ورد في حديث مختلف في صحته) |
| كل الصلوات | الاستغفار + التهليل + التسبيح والتحميد والتكبير + آية الكرسي |
خلي بالك ان الأذكار الموجودة في الجدول مش كلها بنفس درجة الثبوت؛ عشان كده الأفضل إنك تعلمي طفلك أولًا الأذكار الثابتة بعد كل صلاة، وبعدها تضيفي الأذكار الخاصة بالفجر والمغرب بالتدريج.
طفلك بيصلي صح لكن بينسى الأذكار بعد الصلاة؟
ممكن تلاقي طفلك حافظ خطوات الصلاة كويس، لكن أول ما يسلّم يقوم يجري يلعب وينسى يقول الأذكار وده طبيعي، لأن حفظ أذكار الصلاة بعد الصلاة للأطفال محتاج تكرار ووسيلة تساعده يفتكرها بسهولة.
ومجموعة الأذكار من ميني مسلم مصممة عشان تساعد طفلك يتعلم الأذكار ويراجعها بنفسه، من خلال كروت مصورة بأذكار مكتوبة بخط واضح وكبير، وكتيب دائري تقدرِ تثبتيه في أوضة الطفل، بحيث يقدر يرجع له بعد كل صلاة ويحفظ الأذكار بالتدريج.
ماذا يقول الطفل أثناء الصلاة؟ أدعية الصلاة للطفل المسلم
ممكن طفلك يسألك: “ماما، أنا أقول إيه وأنا بصلي؟” وهنا مهم تعرفي إن فيه أذكار وأدعية بنقولها جوه الصلاة، ودي مختلفة عن الأذكار اللي بنقولها بعد ما نخلص ونسلّم.
ومن أهم الأدعية وأذكار الصلاة اللي ممكن تعلميها لطفلك جوه الصلاة:
- دعاء الاستفتاح: «سبحانك اللهم وبحمدك، وتبارك اسمك، وتعالى جدك، ولا إله غيرك».
- بين السجدتين: «رب اغفر لي، رب اغفر لي».
- في التشهد: «التحيات لله والصلوات والطيبات، السلام عليك أيها النبي ورحمة الله وبركاته، السلام علينا وعلى عباد الله الصالحين، أشهد أن لا إله إلا الله، وأشهد أن محمدًا عبده ورسوله».
- الصلاة على النبي ﷺ: «اللهم صل على محمد وعلى آل محمد، كما صليت على إبراهيم وعلى آل إبراهيم، إنك حميد مجيد، اللهم بارك على محمد وعلى آل محمد، كما باركت على إبراهيم وعلى آل إبراهيم، إنك حميد مجيد».
- قبل التسليم: ممكن يعلمه الدعاء الوارد عن النبي ﷺ: «اللهم إني أعوذ بك من عذاب جهنم، ومن عذاب القبر، ومن فتنة المحيا والممات، ومن فتنة المسيح الدجال».
عرفي طفلك أيضا على: أسئلة دينية سهلة للأطفال مع الإجابات بطريقة بسيطة
طفلك بيقرأ الفاتحة والتشهد لكن مش فاهم معناهم؟
ممكن طفلك يكون حافظ الفاتحة والتشهد وبيقولهم صح، لكن لما تسأليه “يعني إيه الكلام ده؟” مايعرفش يجاوب، وده طبيعي، لأن الطفل محتاج شرح بسيط يناسب سنه عشان يفهم معاني اللي بيقوله في الصلاة، مش مجرد يحفظه.
كتاب «أنا أصلي» من ميني مسلم بيساعد طفلك يتعلم الصلاة ويفهمها بطريقة بسيطة ومناسبة للأطفال، عشان يعرف معنى اللي بيقوله ويبدأ يحس بقيمة الصلاة بدل ما تكون مجرد حركات وكلمات محفوظة.
كيف تعلمي طفلك الأذكار بطريقة يحبها؟
مش لازم طفلك يحفظ كل أذكار الصلاة بعد الصلاة مرة واحدة؛ الأهم إنك تساعديه يتعود عليها من غير ما يحس إنها واجب تقيل أو وقت للحفظ وبس، والطرق دي هتساعدك:
- ابدئي بذكر واحد: مش لازم تعلميه كل الأذكار في يوم واحد. ابدئي بالاستغفار 3 مرات، وبعد ما يتعود عليه أضيفي «اللهم أنت السلام ومنك السلام»، وبعدها انتقلي لباقي الأذكار بالتدريج.
- رددي الأذكار معاه: الأطفال بيتعلموا بالتكرار، فخليكي بتقولي الذكر معاه في البداية بصوت واضح وهادي، وبعد كام مرة سيبيه يردده لوحده.
- استخدمي الأصابع في العد: بدل ما يكون العدد مجرد رقم، خليه يعد على صوابعه، وده يساعده يركز ويفهم عدد مرات التسبيح والتحميد والتكبير.
- اربطي الذكر بوقت ثابت: خلي الأذكار دايمًا تيجي بعد الصلاة مباشرة، عشان الطفل مع الوقت يربط بين التسليم والذكر بشكل تلقائي.
- شجعيه بكلمة حلوة: لما يفتكر يقول الأذكار من نفسه، شجعيه: «ما شاء الله عليك، افتكرت تذكر ربنا بعد الصلاة لوحدك! ربنا يثبتك ويبارك فيك».
اقرأي أيضا عن: معلومات دينية للأطفال | أسئلة وأجوبة شاملة لكل الأعمار
طفلك بيحب اللعب ومش عارفة تشجعيه يتعلم معلومات دينية؟
لو طفلك بيتفاعل مع اللعب أكتر من الحفظ والتلقين، ممكن تستغلي ده في تعليمه الدين بطريقة مختلفة، ولعبة رموز وكنوز من ميني مسلم فيها 150 كارت بتحديات وأسئلة دينية متنوعة، وبتخلي الطفل يتعلم من خلال اللعب والمنافسة والتفاعل مع الأسرة.
فبدل ما تكون المعلومة مجرد سؤال وإجابة، الطفل بيعيشها في شكل لعبة ممتعة تساعده يفتكر اللي اتعلمه ويحب وقت التعلم.
كيف تجعلين أذكار الصلاة عادة يومية لطفلك؟
- اربطي الأذكار بالتسليم مباشرة.
- قولي الأذكار أمامه في البداية.
- استخدمي كروت أو وسيلة بصرية تساعده يفتكر.
- شجعيه بالكلمة الحلوة بدل الضغط والعقاب.
الخلاصة
تعليم أذكار الصلاة بعد الصلاة للأطفال مش محتاج حفظ كتير ولا ضغط على الطفل؛ الأهم إنك تبدأي معاه بالتدريج، وتخلي الذكر مرتبط بوقت الصلاة لحد ما يبقى عادة طبيعية في يومه.
وممكن تبدئي بالأذكار الثابتة بعد الصلاة، وردديها مع طفلك، وساعديه يربطها بوقت التسليم، ومع الوقت هتتحول من حاجة محتاجة تذكير إلى عادة يومية.
من الأذكار الثابتة بعد الصلاة: الاستغفار 3 مرات، ثم «اللهم أنت السلام، ومنك السلام، تباركت يا ذا الجلال والإكرام»، ومن الأذكار أيضًا التهليل والتسبيح والتحميد والتكبير، وقراءة آية الكرسي، وقراءة الإخلاص والفلق والناس بعد الفجر والمغرب.
كان النبي ﷺ يقول بعد الصلاة المكتوبة: «لا إله إلا الله وحده لا شريك له، له الملك وله الحمد، وهو على كل شيء قدير، اللهم لا مانع لما أعطيت، ولا معطي لما منعت، ولا ينفع ذا الجد منك الجد»، وكان يستغفر الله ثلاث مرات ويقول: «اللهم أنت السلام ومنك السلام، تباركت يا ذا الجلال والإكرام».
بعد ما يخلص الطفل الأذكار المسنونة، يقدر يدعو ربنا بما يحب من الأدعية المباحة. وممكن تعلميه يدعي بكلام بسيط يناسب سنه، زي: «يا رب احفظ ماما وبابا» أو «يا رب وفقني في دراستي»، عشان يتعود إنه يلجأ لربنا ويدعوه من قلبه.
بتساعد الطفل يراجع الأذكار بطريقة بسيطة ومستقلة، من خلال كروت مصورة بأذكار مكتوبة بخط واضح وكبير، مع كتيب دائري سهل الاستخدام.
لا، مش لازم خالص. الأفضل تبدأي مع طفلك بالأذكار القصيرة، زي الاستغفار و**«اللهم أنت السلام ومنك السلام»**، وبعد ما يتعود عليهم ابدئي أضيفي باقي الأذكار بالتدريج.
